ബംഗലൂരു: ഇന്ത്യന്‍ ക്രിക്കറ്റ് ടീമിന്റെയും ഐ.പി.എല്ലില്‍ റോയല്‍ ചലഞ്ചേഴ്‌സ് ബംഗലൂരുവിന്റെയും നായകനായ വിരാട് കോഹ്‌ലിയെ ഫുട്ബാള്‍ താരം ക്രിസ്റ്റ്യാനോ റൊണാള്‍ഡോയോടുപമിച്ച് വിന്‍ഡീസ് താരം ഡ്വെയ്ന്‍ ബ്രാവോ. തന്റെ സഹോദരന്‍ ഡാരന്‍ ബ്രാവോയുമായി ബാറ്റിംഗിനെക്കുറിച്ച് പറയണമെന്നും ഡ്വെയ്ന്‍ ബ്രാവോ വിരാടിനോട് ആവശ്യപ്പെട്ടു.
‘ അണ്ടര്‍ 19 ക്രിക്കറ്റില്‍ എന്റെ സഹോദരനൊപ്പം കളിച്ചിട്ടുള്ള ആളാണ് വിരാട്. വിരാടിനെക്കാണുമ്പോള്‍ ക്രിക്കറ്റിലെ ക്രിസ്റ്റിയാനോ റൊണാള്‍ഡോ ആണെന്നാണ് ഞാന്‍ കരുതുന്നത്.’
വിരാട് ഫീല്‍ഡില്‍ പുറത്തെടുക്കുന്ന പാഷന്‍ അഭിനന്ദക്കേണ്ടതാണ്. ഒരു ക്രിക്കറ്റ് താരമെന്ന നിലയില്‍ അദ്ദേഹത്തിന്റെ ടീമിനെതിരെ കളിക്കുക എന്നത് എനിയ്ക്ക് ഊര്‍ജ്ജം പകരുന്ന ഒന്നാണെന്നും അദ്ദേഹം കൂട്ടിച്ചേര്‍ത്തു. ഐ.പി.എല്ലില്‍ ചെന്നൈയുടെ താരമാണ് ബ്രാവോ.