യുവനടന്‍ സിജു വിത്സണ്‍ ആദ്യമായി നായകനാകുന്ന ചിത്രമാണ്‌ “ വാര്‍ത്തകള്‍ ഇതുവരെ”.
മനോജ്‌ നായര്‍ തിരക്കഥയെഴുതി സംവിധാനം ചെയ്യുന്ന ഈ ചിത്രത്തില്‍ നായിക പുതുമുഖമായിരിക്കും.
വിനയ്‌ഫോര്‍ട്ട്‌, സൈജുക്കുറുപ്പ്‌, നെടുമുടി വേണു, സിദ്ധിഖ്‌, സുധീര്‍ കരമന, പി.ബാലചന്ദ്രന്‍, ഇന്ദ്രന്‍സ്‌, മാമുക്കോയ, നന്ദു, ശിവജി ഗുരുവായൂര്‍, കൈനങ്കരി തങ്കരാജ്‌, നസീര്‍ സംക്രാന്തി, ലക്ഷ്‌മിപ്രിയ, അംബിക മോഹന്‍, പൗളി, മേരി, തേജല്‍, തുടങ്ങിയവരാണ്‌ മറ്റ്‌ പ്രമുഖ താരങ്ങള്‍.
ലോസണ്‍, പി.എസ്‌.ജി എന്റര്‍ടൈന്‍മെന്റിന്റെ ബാനറില്‍ സിജു തോമസ്‌, ജിബി പാറയ്‌ക്കല്‍ എന്നിവര്‍ ചേര്‍ന്ന്‌ നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം എല്‍ദോ ഐസക്ക്‌ നിര്‍വ്വഹിക്കുന്നു. കൈതപ്രം ദാമോദരന്‍ നമ്പൂതിരി, വയലാര്‍ ശരത്‌ ചന്ദ്രവര്‍മ്മ, ബി.കെ ഹരിനാരായണന്‍ എന്നിവരുടെ വരികള്‍ക്ക്‌ മെജോ ജോസഫ്‌ സംഗീതം പകരുന്നു.
പ്രൊഡക്ഷന്‍ കണ്‍ട്രോളര്‍-ബാദുഷ, കല- ഷംജിത്ത്‌ രവി, മേക്കപ്പ്‌- അമല്‍, വസ്‌ത്രാലങ്കാരം-അരുണ്‍ മനോഹര്‍, സ്‌റ്റില്‍സ്‌- രാജീവ്‌ ആഴിയൂര്‍, പരസ്യകല-ഓള്‍ഡ്‌ മങ്ക്‌, എഡിറ്റര്‍- ശ്രീജിത്ത്‌ ആര്‍, പ്രൊഡക്ഷന്‍ എക്‌സിക്യൂട്ടീവ്‌- ഇക്‌ബാല്‍ പാനായിക്കുളം, പ്രൊഡക്ഷന്‍ മാനേജര്‍- വിനോദ് മംഗലത്ത്‌.
തൊണ്ണൂറ്‌ കാലഘട്ടത്തില്‍ ഒരു നാട്ടിന്‍പുറത്ത്‌ നടന്ന ഒരു ചെറിയ മോഷണവും തുടര്‍ന്നുണ്ടായ രസകരമായ സംഭവങ്ങളുമാണ്‌ “വാര്‍ത്തകള്‍ ഇതുവരെ” എന്ന ചിത്രത്തില്‍ നര്‍മ്മത്തോടെ ദൃശ്യവല്‍ക്കരിക്കുന്നത്‌.
ജൂണ്‍ 18ന്‌ എറണാകുളം കടവന്ത്ര ഒലീവ്‌ ഡൗണ്‍ ടൗണ്‍ ഹോട്ടലില്‍ വെച്ച്‌ “വാര്‍ത്തകള്‍ ഇതുവരെ”യുടെ പൂജയും സ്വിച്ചോണ്‍ കര്‍മ്മവും നടക്കും.
ജൂണ്‍ 24ന്‌ കൊല്ലംങ്കോട്‌ പരിസരപ്രദേശത്ത്‌ ചിത്രീകരണം ആരംഭിക്കും. വാര്‍ത്താപ്രചരണം എ.എസ്‌. ദിനേശ്‌.
