തൃക്കാക്കര മണ്ഡലത്തിന് വേണ്ടത് പറയുന്നത് പ്രാവര്‍ത്തികമാക്കുന്ന ജനപ്രതിനിധിയെയാണെന്ന് നടന്‍ ജയസൂര്യ. തൃക്കാക്കര മണ്ഡലത്തിലെ വോട്ടറാണ് ജയസൂര്യ.ഏത് രാഷ്ട്രീയക്കാരായാലും മണ്ഡലത്തിലെ പ്രശ്നങ്ങള്‍ അറിഞ്ഞ് പരിഹരിക്കാന്‍ ശ്രമിക്കുന്നയാളാവണം. അത് പ്രയോജനപ്പെടുത്തുന്ന ജനപ്രതിനിധിയാണ് വേണ്ടതെന്നും ജയസൂര്യ പറഞ്ഞു.
അതേസമയം മണ്ഡലത്തിലെ വോട്ടറായ മമ്മൂട്ടിയെ കഴിഞ്ഞ ദിവസം യു.ഡി.എഫ് സ്ഥാനാര്‍ത്ഥി ഉമ തോമസും നടന്‍ മമ്മൂട്ടിയെ കണ്ട് വോട്ട് ചോദിച്ചിരുന്നു. മണ്ഡലത്തിന് പരിചയമുള്ള ആളാണ് നല്ലതെന്നായിരുന്നു മമ്മൂട്ടി പറഞ്ഞത്.
തൃക്കാക്കരയിലെ എല്‍.ഡി.എഎഫ് സ്ഥാനാര്‍ത്ഥി ഡോ. ജോ ജോസഫ് ഇന്ന് മമ്മൂട്ടിയെ കണ്ട് വോട്ടഭ്യര്‍ഥിച്ചു.തൃക്കാക്കരയിലെ വികസനത്തിന് എല്ലാവിധ പിന്തുണയുമുണ്ടെന്ന് മമ്മൂട്ടി ഉറപ്പുനല്‍കിയതായി സ്ഥാനാര്‍ഥി പറഞ്ഞു. തൃക്കാക്കര മണ്ഡലത്തിന്റെ വികസന സ്വപ്നങ്ങള്‍ അദ്ദേഹവുമായി പങ്കു വയ്ക്കാന്‍ സാധിച്ചു എന്ന് അദ്ദേഹം പറഞ്ഞു. മമ്മൂട്ടിയെ സന്ദര്‍ശിച്ചതിന്റെ അനുഭവം ജോ ജോസഫ് തന്റെ സാമൂഹിക മാധ്യമത്തില്‍ പങ്കുവച്ചു.
