മഹേന്ദർഗഢ് (ഹരിയാണ): പ്രധാനമന്ത്രി നരേന്ദ്ര മോദിക്ക് സാമ്പത്തികശാസ്ത്രത്തെപ്പറ്റി യാതൊരു ധാരണയുമില്ലെന്ന് കോൺഗ്രസ് നേതാവ് രാഹുൽഗാന്ധി. രാജ്യത്തെ സാമ്പത്തികനില അനുദിനം മോശമായി വരികയാണെന്നും നീരവ് മോദിയേയും മെഹുൽ ചോക്സിയേയും പോലെയുള്ളവർ രാജ്യത്തുനിന്ന് ഒളിച്ചോടുകയാണെന്നും ഹരിയാണയിൽ തിരഞ്ഞെടുപ്പ് റാലിയിൽ സംസാരിക്കവെ രാഹുൽ പറഞ്ഞു
- Top Stories|
- Trending|
- Today’sSpl|
- Video
- | More
മോദിക്ക് സാമ്പത്തികശാസ്ത്രത്തെപ്പറ്റി യാതൊരു ധാരണയുമില്ലെന്ന് രാഹുല്‍ഗാന്ധി
18 Oct 2019, 08:56 PM ISTIndia
Photo – PTI
മഹേന്ദർഗഢ് (ഹരിയാണ): പ്രധാനമന്ത്രി നരേന്ദ്ര മോദിക്ക് സാമ്പത്തികശാസ്ത്രത്തെപ്പറ്റി യാതൊരു ധാരണയുമില്ലെന്ന് കോൺഗ്രസ് നേതാവ് രാഹുൽഗാന്ധി. രാജ്യത്തെ സാമ്പത്തികനില അനുദിനം മോശമായി വരികയാണെന്നും നീരവ് മോദിയേയും മെഹുൽ ചോക്സിയേയും പോലെയുള്ളവർ രാജ്യത്തുനിന്ന് ഒളിച്ചോടുകയാണെന്നും ഹരിയാണയിൽ തിരഞ്ഞെടുപ്പ് റാലിയിൽ സംസാരിക്കവെ രാഹുൽ പറഞ്ഞു.
രാജ്യത്തിന്റെ സാമ്പത്തിക സ്ഥിതിയെപ്പറ്റി എല്ലാവർക്കും അറിയാം. തൊഴിലില്ലായ്മ അതിരൂക്ഷമാണ്. നോട്ട് അസാധുവാക്കലും ജി.എസ്.ടിയും എല്ലാം തകർത്തുവെന്നാണ് വൻകിട – ചെറുകിട വ്യവസായികളെല്ലാം പറയുന്നത്.
കോൺഗ്രസ് മുന്നോട്ടുവച്ച ന്യായ് പദ്ധതി രാജ്യത്ത് നടപ്പാക്കിയിരുന്നുവെങ്കിൽ സ്ഥിതിഗതികൾക്ക് മാറ്റമുണ്ടായേനെ. കാർഷിക കടങ്ങൾ എഴുതിത്തള്ളുമെന്ന വാഗ്ദാനം നൽകിയ പ്രധാനമന്ത്രി മോദി വൻകിടവ്യവസായികളുടെ കടങ്ങളാണ് എഴുതിത്തള്ളിയത്. പാവപ്പെട്ടവർക്ക് ഒന്നും നൽകിയില്ല.
യു.പി.എ ഭരണകാലത്ത് യു.എസ്സിനോടും ചൈനയോടുമാണ് ഇന്ത്യ മത്സരിച്ചിരുന്നത്. എന്നാൽ ബിജെപിയുടെ നയങ്ങൾമൂലം ഇന്ത്യയുടെ പ്രതിച്ഛായ മങ്ങി. ജനങ്ങളെ ഭിന്നിപ്പിക്കുകയാണ് അവരുടെ ലക്ഷ്യം. ഭിന്നിച്ച് നിൽക്കുന്ന രാജ്യത്തിന് എങ്ങനെ മുന്നേറാൻ കഴിയും. യഥാർഥ വസ്തുതകൾ മാധ്യമങ്ങൾ അടക്കമുള്ളവ ജനങ്ങളെ അറിയിക്കുന്നില്ലെന്നും രാഹുൽഗാന്ധി കുറ്റപ്പെടുത്തി.
