ചേർത്തല
വീട്ടിൽ കഞ്ചാവ് നട്ടുവളർത്തിയ ഷിപ്യാർഡ് അപ്രന്റീസ് അറസ്റ്റിൽ. ചേർത്തല ആഞ്ഞിലിപ്പലം റയിൽ ക്രോസിന് സമീപം നഗരസഭാ 27 ആം വാര്ഡില് ചിറയിൽ എം യദുകൃഷ്ണനാണ് (21) പിടിയിലായത്. പച്ചക്കറി ചെടി ആണെന്ന് അമ്മയെ തെറ്റിദ്ധരിപ്പിച്ചാണ് ഇയാൾ കഞ്ചാവ് വളർത്തിയത്. കഞ്ചാവ് വലിച്ചതിന് ശേഷം കുരു കവറിൽ ഇട്ടു മുളപ്പിക്കുകയായിരുന്നു.
ജില്ലാ പോലീസ് ചീഫ് ജെയിംസ് ജോസഫിന് കിട്ടിയ രഹസ്യവിവരത്തെത്തുടർന്ന് നർക്കോട്ടിക് സെൽ ഡിവൈ.എസ്.പി. സാജു വർഗീസിന്റെ നിർദേശത്തിലായിരുന്നു പരിശോധന. ചേർത്തല എസ്.ഐ. തങ്കച്ചൻ, ബസന്ത്, അബിൻ, ഡാൻസാഫ് അംഗങ്ങളായ കെ.ജെ.സേവ്യർ, കെ.പി.ഗിരീഷ്, ബി.അനൂപ് എന്നിവരാണ് പരിശോധനാ സംഘത്തിലുണ്ടായിരുന്നത്.