”ഇയ്യോബിന്റെ പുസ്തക”ത്തിന് ശേഷം അമല്‍ നീരദും ഫഹദ് ഫാസിലും വീണ്ടും ഒന്നിക്കുന്ന ചിത്രന് പേരിട്ടു. വരത്തൻ എന്നാണ് പേര്. ഫസ്റ്റ് ലുക്ക് പോസ്റ്ററും ഫേസ്ബുക്കിലൂടെ അമൽ നീരദ് പുറത്തിറക്കിയിട്ടുണ്ട്. അമല്‍നീരദിന്റെ ഉടമസ്ഥതയിലുള്ള എഎന്‍പിയും ഫഹദ് ഫാസിലിന്റെ ഉടമസ്ഥതയിലുള്ള നസ്രിയ നസീം പ്രൊഡക്ഷന്‍സും ചേര്‍ന്നാണ് ചിത്രം നിര്‍മ്മിക്കുന്നത്.
മായാനദി, ഞണ്ടുകളുടെ നാട്ടില്‍ ഒരിടവേള തുടങ്ങിയ ചിത്രങ്ങളിലൂടെ പ്രേക്ഷക ഹൃദയം കീഴടക്കുകയും സ്വാഭാവിക അഭിനയം കാഴ്ച്ചവെയ്ക്കുകയും ചെയ്ത ഐശ്വര്യ ലക്ഷ്മിയാണ് ഫഹദിന്റെ നായികയായി എത്തുന്നത്. സിനിമ സംബന്ധിച്ച എല്ലാ വിവരങ്ങളും അതീവ രഹസ്യമായി സൂക്ഷിച്ചിരിക്കുകയാണ് സിനിമയുടെ അണിയറ പ്രവര്‍ത്തകര്‍.
