ഈ ഫീച്ചര്‍ ഉള്‍പ്പെടുന്ന വാട്ട്‌സ്ആപ്പ് ബീറ്റയുടെ സ്‌ക്രീന്‍ഷോട്ട് ജിസ്ബൂട്ട് പുറത്തുവിട്ടു. അടുത്ത വാട്ട്‌സ്ആപ്പ് ആന്‍ഡ്രോയ്ഡ് അപ്‌ഡേറ്റില്‍ പേമെന്റ് സംവിധാനം പൂര്‍ണ്ണമായും എല്ലാ ഉപയോക്താക്കള്‍ക്കും ലഭിക്കും എന്നാണ് സൂചന.
ഇന്ത്യയിലെ വാട്‌സ്ആപ്പ് ഉപയോക്താക്കള്‍ ഏറെക്കാലമായി കാത്തിരുന്ന ഫീച്ചറാണ് വാട്‌സ്ആപ്പ് ഒടുവില്‍ ഇന്ത്യയില്‍ അവതരിക്കാനിരിക്കുന്നത്. ആന്‍ഡ്രോയ്ഡ്, ഐഒഎസ് പ്ലാറ്റ്‌ഫോമുകളിലെ തിരഞ്ഞെടുക്കപ്പെട്ട ഉപയോക്താക്കള്‍ക്ക് മാത്രമാണ് നിലവില്‍ പേയ്‌മെന്റ് സര്‍വീസ് ലഭിക്കുന്നത്. യുപിഐ അധിഷ്ഠിതമായി പ്രവര്‍ത്തിക്കുന്ന ആപ്പില്‍ എളുപ്പത്തില്‍ പണം അയക്കാന്‍ സാധിക്കും.
മാസങ്ങളായി ഫെയ്‌സ്ബുക്ക് ഈ ഫീച്ചറില്‍ പരീക്ഷണങ്ങള്‍ നടത്തിവരികയായിരുന്നു. 2017ല്‍ യുപിഐ പ്ലാറ്റ്‌ഫോമിലെ ഉപയോക്താക്കളുടെ എണ്ണം 145 മില്യണ്‍ കടന്നതിന് പിന്നാലെയാണ് വാട്‌സ്ആപ്പ് യുപിഐ അധിഷ്ഠിതമായി പ്രവര്‍ത്തിക്കുന്ന പേയ്‌മെന്റ് ഫീച്ചര്‍ വികസിപ്പിച്ചെടുക്കുന്നത്.
യുപിഐ പേയ്‌മെന്റ് ഓപ്ഷന്‍ ആക്ടിവേറ്റ് ചെയ്തിട്ടുള്ള യുപിഐ അക്കൗണ്ട് ഉള്ള വാട്‌സ്ആപ്പ് ഉപയോക്താക്കള്‍ക്ക് പരസ്പരം പണം അയയ്ക്കാനു സ്വീകരിക്കാനുമുള്ള സൗകര്യമാണ് ആപ്പിലുണ്ടാകുക. 2017 ലാണ് വാട്‌സ്ആപ്പിന് യുപിഐ അധിഷ്ഠിത പേയ്‌മെന്റ് സര്‍വീസ് ആരംഭിക്കുന്നതിനുള്ള അംഗീകാരം ലഭിക്കുന്നത്. 2017 ജൂലൈയിലായിരുന്നു ഇത്.
