”ജോസഫ്” എന്ന ഒറ്റ ചിത്രത്തിലൂടെ ഏറെ ശ്രദ്ധ നേടിയ നടിയാണ് ബാംഗ്ലൂര്‍ സ്വദേശിനിയും മോഡലുമായ മാധുരി ബ്രൊഗാൻസ. അതിനുശേഷം ഇപ്പോള്‍ താരം ജയറാം ചിത്രം ”പട്ടാഭിരാമനി”ല്‍ അഭിനയിച്ചുകൊണ്ടിരിക്കുകയാണ്. താരം തായ് ലന്‍ഡിൽ ഫുക്കറ്റിലേക്ക് നടത്തിയ വിനോദയാത്രയുടെ നിരവധി ചിത്രങ്ങള്‍ മാധുരി സമൂഹമാധ്യമങ്ങളിലൂടെ കഴിഞ്ഞദിവസം പങ്കുവെച്ചിരുന്നു. കടല്‍ത്തീരത്ത് ബിക്കിനി അണിഞ്ഞ് നില്‍ക്കുന്ന ചിത്രവും അതിലുണ്ടായിരുന്നു. ചിത്രത്തിന് താഴെ അശ്ലീല കമന്‍റുകളുകളുമായി മലയാളികളായ നിരവധി സൈബര്‍ സദാചാരവാദികള്‍ എത്തിയതിനെതിരെ താരം രംഗത്തെത്തിയിരിക്കുകയാണിപ്പോള്‍.
അശ്ലീലം അതിരു കടന്നതോടെ താരം ചിത്രം നീക്കം ചെയ്തെങ്കിലും അതിനെതിരെ ശക്തമായ പ്രതികരണവും രേഖപ്പെടുത്തിയിട്ടുണ്ട്. ‘ താൻ ബാത്തിംഗ് സ്യൂട്ടില്‍ നില്‍ക്കുന്ന ഒരു അവധിക്കാലചിത്രം പങ്കു വെച്ചാല്‍ ഇതാണോ അവസ്ഥ? വെറുതെ നിങ്ങള്‍ മലയാളികള്‍ക്ക് നാണക്കേടുണ്ടാക്കരുത്.’ നടി സോഷ്യൽമീഡിയയിലൂടെ വ്യക്തമാക്കി. ഇൻസ്റ്റഗ്രാം സ്റ്റാറ്റസിലാണ് താരം ഇത് വ്യക്തമാക്കിയിരിക്കുന്നത്. ഇതിനു പിന്നാലെയാണ് ബിക്കിനി ചിത്രം താരം നീക്കം ചെയ്തിരിക്കുന്നതും.
