കറ്റാനം
യൂത്ത് കോൺഗ്രസ്‌ മണ്ഡലം സെക്രട്ടറി സുഹൈലിനെ വെട്ടി കൊലപ്പെടുത്താൻ ശ്രമിച്ച കേസിൽ രണ്ട് സിപിഎം നേതാക്കളെ പോലീസ് അറസ്റ്റ് ചെയ്തു. മുൻ ജില്ലാപഞ്ചായത് അംഗവും സിപിഎം മാവേലിക്കര ഏരിയ കമ്മിറ്റി അംഗവുമായ എം എ ഷാഹിറിന്റെ സഹോദരൻ എം എ ഹാഷിം, ഇദ്ദേഹത്തിന്റെ ഉടമസ്‌ഥതയിലുള്ള തടിമില്ലിലെ ജോലിക്കാരനായ കറ്റാനം കുഴിക്കാലാ സതീഷ് എന്നിവരെയാണ് അറസ്റ്റ് ചെയ്തത്. സതീഷ് കുറ്റസമ്മതം നടത്തിയതായാണ് സൂചനകൾ. വെട്ടാനുപയോഗിച്ച ആയുധവും പോലീസ് കണ്ടെടുത്തിട്ടുണ്ട്. ഏരിയ കമ്മിറ്റി അംഗത്തിന്റെ സഹോദരനാണ് മുഖ്യ സൂത്രധാരൻ എന്ന് പോലീസ് പറഞ്ഞു.
വെട്ടേറ്റ സുഹൈൽ ഇപ്പോളും തീവ്രപരിചരണ വിഭാഗത്തിൽ തുടരുകയാണ്.
