Web Desk
തെന്നിന്ത്യന്‍ നടി രംഭ മലയാളികള്‍ക്ക് എന്നും പ്രിയപ്പെട്ട താരമാണ്. സര്‍ഗം, ചമ്പക്കുളം തച്ചന്‍, കൊച്ചി രാജാവ്, ക്രോണിക് ബാച്ചലര്‍ തുടങ്ങി നിരവധി മലയാള ചിത്രങ്ങളില്‍ നായികയായിരുന്നു. ബിസിനസ്സുകാരനായ ഇന്ദ്രന്‍ പദ്മനാഭനുമായുള്ള വിവാഹശേഷം സിനിമയില്‍ നിന്നും വിട്ടു നിന്ന രംഭ ഭര്‍ത്താവിനൊപ്പം കാനഡയിലായിരുന്നു.
എന്നാല്‍ കുറച്ച് നാളുകളായി ഇരുവരും വേര്‍പിരിഞ്ഞുവെന്നും കുട്ടികളെ വിട്ടുകിട്ടാന്‍ രംഭ കോടതിയെ സമീപിച്ചുവെന്നുമെല്ലാം വാര്‍ത്തകള്‍ ഉണ്ടായിരുന്നു. പക്ഷേ ഈ വാര്‍ത്തകളെല്ലാം വ്യാജമാണെന്നും ഇതെല്ലം ആരോ കെട്ടിച്ചമച്ചതാണെന്നും പറഞ്ഞ് രംഭ തന്നെ പിന്നീട് രംഗത്ത് വരികയുണ്ടായി.
ഈ സന്തോഷകരമായ നിമിഷത്തില്‍ താന്‍ മൂന്നാമതും ഗര്‍ഭിണിയായ വിവരം സന്തോഷത്തോടെ അറിയിക്കുന്നുവെന്നും ആഹ്‌ളാദം പ്രകടിപ്പിക്കാനാകുന്നില്ലെന്നും കുടുംബത്തിനായി പ്രാര്‍ഥിക്കണമെന്നും പറഞ്ഞുകൊണ്ടാണ് രംഭ സാമൂഹിക മാധ്യമങ്ങളില്‍ പോസ്റ്റ് ഇട്ടിരിക്കുന്നത്.
രണ്ടു പെണ്‍മക്കളാണ് രംഭഇന്ദ്രന്‍ ദമ്പതികള്‍ക്ക്. ആന്ധ്രാ പ്രദേശിലെ വിജയവാഡ സ്വദേശിയായ രംഭയുടെ ആദ്യ പേര് വിജയലക്ഷ്മി എന്നായിരുന്നു. സിനിമയിലെത്തിയ ശേഷമാണ് രംഭ എന്ന പേര് സ്വീകരിക്കുന്നത്.
