തൃശ്ശൂര്‍: സിനിമാ താരം വിനീത് തട്ടില്‍ ഡേവിഡ് തൃശൂരില്‍ അറസ്റ്റില്‍. തുറവൂര്‍ സ്വദേശി അലക്‌സിനെ വെട്ടിക്കൊലപ്പെടുത്താന്‍ ശ്രമിച്ച കേസിലാണ് അറസ്റ്റ്. സാമ്പത്തിക തര്‍ക്കത്തെ തുടര്‍ന്നായിരുന്നു ആക്രമണം. അന്തിക്കാട് പൊലീസാണ് കഴിഞ്ഞ ദിവസം രാത്രി വിനീത് തട്ടിലിനെ അറസ്റ്റ് ചെയ്തത്.
അലക്‌സുമായി വിനീതിന് സാമ്പത്തിക തര്‍ക്കങ്ങളുണ്ടായിരുന്നു. ഇന്നലെ വൈകിട്ട് മൂന്നുമണിയോടെ അലക്‌സ് വിനീതിന്റെ വീട്ടിലെത്തി. തുടര്‍ന്ന് ഇരുവരും തമ്മില്‍ തര്‍ക്കമുണ്ടായി. ഇതിനു പിന്നാലെയാണ് വടിവാള്‍ കൊണ്ട് വിനീത് തട്ടില്‍ അലക്‌സിനെ വെട്ടിയത്. ആക്രമണത്തില്‍ അലക്‌സിന്റെ കൈക്ക് പരുക്കേറ്റു.