അയോധ്യയിൽ രാമക്ഷേത്ര നിർമ്മാണത്തിന് 2500 കോടി ലഭിച്ചതായി ശ്രീറാം ജന്മഭൂമി തീർഥ ക്ഷേത്ര ട്രസ്റ്റ്. ഏറ്റവും കൂടുതൽ സംഭാവന ലഭിച്ചത് രാജസ്‌ഥാനിൽ നിന്നാണ്. കേരളത്തിൽ നിന്നും പതിമൂന്നു കോടി രൂപയും തമിഴ് നാട്ടിൽ നിന്ന് 85 കോടി രൂപയും ലഭിച്ചു.
മാർച്ച് 4 വരെ ലഭിച്ച കണക്കുകൾ ആണിത്. ജനുവരി 15 മുതൽ ഫെബ്രുവരി 27 വരെയാണ് രാജ്യമെമ്പാടും സംഭാവന സ്വീകരിക്കൽ നടന്നത്.
ഓൺലൈൻ മുഖേനയുള്ള സംഭാവന സ്വീകരിക്കൽ തുടരും. വിദേശ ഫണ്ട് സ്വീകരിക്കുവാനുള്ള അനുമതി ലഭിയ്ക്കുന്നതോടെ വിദേശത്ത് നിന്നുള്ള സംഭാവനയും സ്വീകരിച്ചു തുടങ്ങും.
മൂന്ന് വർഷം കൊണ്ട് നിർമ്മാണം പൂർത്തിയാക്കാൻ ശ്രമിക്കുന്ന ക്ഷേത്രത്തിന്റെ പ്രധാന ക്ഷേത്രത്തിന്റെ നിർമ്മാണത്തിനായി 400 കോടിയിലധികം ചെലവ് വരുമെന്നാണ് പ്രതീക്ഷിക്കുന്നത്. ഇതിന് പുറമെ 67 ഏക്കർ വിസ്തൃതിയുള്ള സമുച്ചയം നിർമ്മിക്കുന്നതിന് 1100 കോടി രൂപയും ചെലവ് പ്രതീക്ഷിക്കുന്നു. സുപ്രീം കോടതി വിധി അനുസരിച്ചുള്ള ഭൂമിയ്ക്ക് പുറമെ സമീപത്തുള്ള ഭൂമി കൂടി വാങ്ങാൻ ട്രസ്റ്റ് ആലോചിയ്ക്കുന്നതായാണ് റിപ്പോർട്ടുകൾ
