വിൽസൺ പുന്നോലി.
എക്സിറ്റർ:
ജന്മം നല്കിയവരെ പോലെ പരിപാലിച്ചവരെയും മാതാപിതാക്കളെ പോലെ കാണുന്നവർ ആണ് നമ്മൾ. ഏതു ദേശത്തു വസിച്ചാലും അന്നം തരുന്ന ആ നാടിനെയും ജന്മനാടു പോലെ സ്നേഹിക്കുന്നവരാണ് നമ്മൾ പ്രവാസികൾ . അത് ആ രാജ്യത്തിൻ്റെ ഭാക്ഷയായാലും സംസ്കാരമായാലും ആഘോഷങ്ങളാലായാലും വിജയമായാലും പരാജയമായാലും ആ ദേശവാസികൾക്കൊപ്പം നമ്മളും പങ്കു ചേരും.
യുകെ മലയാളികളും അവർ വസിക്കുന്ന ദേശത്തിൻ്റെ ചരിത്രത്തിൻ്റെ ഭാഗമാകാവുന്ന വലിയൊരു നേട്ടത്തിനു സാക്ഷ്യം വഹിക്കാൻ ഞാറാഴ്‌ചത്തെ രാവിനായ് കാത്തിരിക്കുകയാണ്. 1966 ജർമ്മനിയെ തോല്പിച്ച് ലേകകപ്പ് ഫുഡ് ബോളിൽ മുത്തമിട്ടതിനു ശേഷം ആദ്യമായി, നമുക്ക് അന്നം തരുന്ന ആ നാട്, ഒരു പ്രധാന മത്സരത്തിൽ ഞാറാഴ്ച ഇറ്റലിയുമായി യുറോപ്പിൻ്റെ കാൽപന്ത് രാജാവിനെ തീരുമാനിക്കാൻ നമ്മുടെ സ്വന്തം വെംബ്ലി സ്റ്റേഡിയത്തിൽ അങ്കത്തിനിറങ്ങുകയാണ്. നാടു മുഴുവൻ അത്യാവേശത്തോട് ആ കിരീട നേട്ടത്തിനായ് പ്രാർത്ഥനയോട് ഏകമനസ്സോടെ കാത്തിരിക്കുന്ന വേളയിൽ, ആ ആവേശം യുകെ മലയാളികളോടൊപ്പം ബിലാത്തിയിലെ കൂട്ടുകാർ എന്ന ഫെയ്സ് ബുക്ക് കൂട്ടായ്മയും ഏറ്റെടുത്തു കഴിഞ്ഞു. നാട് ഒരു ആവേശ കൊടുമുടിയിൽ നില്ക്കുമ്പോൾ ബിലാത്തിയിലെ കൂട്ടുകാർക്കും മാറി നില്ക്കുവാൻ സാധിക്കില്ല. അടുത്ത് നാലു വർഷത്തെ യൂറോപ്പിൻ്റെ ഫുഡ്ബോൾ രാജാക്കന്മാർ ആര്..?? നമ്മുടെ സ്വന്തം ഇംഗ്ലണ്ടോ… യൂറോപ്പിൻ്റെ സ്വന്തം നീലപ്പടയോ…?!
ബിലാത്തിയിലെ കൂട്ടുകാർക്കും പ്രവചിക്കാം.
ഇവിടെ സമ്മാനമല്ല, മറിച്ച് ഈ ആവേശ മാമാങ്കത്തിൽ പങ്കെടുക്കുക എന്നതാണ് പ്രധാനം. എങ്കിലും വിജയികൾക്കും പങ്കെടുക്കുന്നവർക്കും വിത്യസ്തമായ സമ്മാനങ്ങൾ പ്രഖ്യാപിച്ചുകൊണ്ടാണ് ബിലാത്തി കൂട്ടായ്മ യൂറോപ്പിൻ്റെ കാൽപന്ത് രാജാക്കന്മാരുടെ തെരെഞ്ഞടുപ്പിൽ പങ്കു ചേരുന്നത്.
യൂറോ കപ്പിന് യൂറോ മില്യൺ … !! ഒരു വശത്ത് ഇത് ഒരു തമാശയായി തോന്നാമെങ്കിലും മറുവശത്ത് ഭാഗ്യം അനുവദിച്ചാൽ വലിയൊരു തുക സമ്മാനമായി പങ്കെടുക്കുന്നവർക്ക് സമ്മാനമായി ലഭിക്കും. ഒപ്പം ഈ ദേശത്തിൻ്റെ ചരിത്രത്തിൽ തങ്ക ലിപികളിൽ കുറിച്ചു വയ്ക്കാവുന്ന ആഘോഷത്തിൽ പങ്കുചേർന്നു എന്ന ചാരിതാർത്യവും.
സമ്മാനമായി നല്കുന്നത് 13.07.2021 ചൊവ്വാഴ്ച നറുക്കെടുക്കുന്ന ’25 യൂറോ മില്ലൺ’ ടിക്കറ്റുകൾ. ആ ടിക്കറ്റുകൾക്ക് സമ്മാനം ലഭിക്കുന്നുവെങ്കിൽ, കിട്ടുന്ന തുകയുടെ 50% പങ്കെടുക്കുന്ന എല്ലാ അംഗങ്ങക്കും ബാക്കി 50% കൃത്യമായി ഫലം പ്രഖ്യാപിക്കുന്നവർക്കം വീതിച്ചു നല്കുന്നതാണ്. പങ്കെടുക്കുന്ന ഒരോരുത്തർക്കും 20 പൗണ്ട് വീതം നല്കുവാൻ കഴിയാത്ത ചെറിയ തുകയാണെങ്കിൽ മുഴുവൻ തുകയും കൃത്യമായി പ്രവച്ചിച്ച് അംഗങ്ങൾക്ക് നല്കുന്നതാണ്.
ഫലപ്രവചനം നടത്തേണ്ട വിധം ഈ പ്രകാരം ആണ്.
രണ്ടും ടീമുകളും വിജയിയെ നിശ്ചയിക്കുന്ന സമയത്തെ ഗോളുകളാണ് മത്സര പോസ്റ്ററിൽ കമൻ്റായ് എഴുതേണ്ടത്. അതായത് പെനാൽറ്റിയിൽ ആണ് വിജയിയെ തീരുമാനിക്കുന്നതെങ്കിൽ പെനാൽറ്റിയിൽ അടിച്ച ഗോളുകൾ മാത്രം കമൻ്റായി എഴുതിയാൽ മതി. അവിടെ നിശ്ചിത സമയത്തും അധിക സമയത്തും അടിച്ച ഗോളുകൾ പരിഗണിക്കുകയില്ല.
ഉദാഹരണത്തിന്,
നിശ്ചിത സമയത്ത് 3-3 ഉം
അധിക സമയത്തേത് 1-1 ഉം
പെനാൽറ്റിയിൽ 3-2 വീതവും ആണ് ഗോളുകളെങ്കിൽ രാജ്യത്തോടൊപ്പം
3 -2 എന്ന് എഴുതിയ അംഗത്തെ കൃത്യമായി പ്രവചനം നടത്തിയ ആൾ ആയി കണക്കാക്കുന്നതാണ്.
മത്സരം അവസാനിക്കുന്ന സമയം ഇന്ന് ( 11.07.2021) രാത്രി എട്ടുമണിയാണ്.
വിജയകരമായി ഐപിഎൽ പ്രവചന മത്സരങ്ങൾ നടത്തി നേടിയ അനുഭവം യൂറോ കപ്പ് പ്രവചന മത്സരത്തിനു കരുത്താകും എന്ന് ബിലാത്തി ഗ്രൂപ്പിൻ്റെ അഡ്മിൻ പാനൽ ഉറപ്പായി വിശ്വസിക്കുന്നു.
പ്രവചന മത്സരത്തിൽ പങ്കെടുക്കുവാൻ ആഗ്രഹിക്കുന്നവർ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക.
https://www.facebook.com/groups/bilathiyilekootukar/permalink/3043535605889748/
