പുരുഷ വിഭാഗം വെയ്റ്റ് ലിഫ്റ്റിങ്ങിൽ പുതിയ ഒളിമ്പിക് റെക്കോഡ് കുറിച്ചുകൊണ്ട് ഫാരിസ് ഇബ്രാഹിം ഖത്തറിൻെറ ആദ്യ ഒളിമ്പിക്സ് സ്വർണ്ണം നേടി. 96 കിലോ വിഭാഗത്തിൽ മത്സരിച്ച 23കാരൻ 402 കിലോ ഭാരമാണ് ഉയർത്തിയത്. ക്ലീൻ ആൻ ജെർക്കിൽ 225 കിലോയും, സ്നാച്ചിൽ 177 കിലോയും ഉയർത്തിയപ്പോൾ ഖത്തറിന് ചരിത്രത്തിലെ ആദ്യ ഒളിമ്പിക്സ് സ്വർണത്തിനൊപ്പം പിറന്നത് ഒളിമ്പിക്സിലെ സർവകാല റെക്കോഡും.
കെയ്ദൊമർ വാലനില സാഞ്ചസ് വെള്ളിയും, ജോർജിയയുടെ ആൻറൺ പ്ലിയസ്നോയ് വെങ്കലവും നേടി. 2016 റിയോ ഡെ ജനീറോ ഒളിമ്പിക്സിലെ മുതാസ് ബർഷിമിൻെറ ഹൈജംപ് വെള്ളിയായിരുന്നു ഖത്തറിൻെറ ഇതുവരെയുള്ള ഏറ്റവും മികച്ച നേട്ടം.
