കോഴിക്കോട്: ആസനത്തില്‍ ആലുമുളച്ചാല്‍ തണലെന്ന നിലപാടാണ് മുഖ്യമന്ത്രി പിണറായി വിജയനെന്നു കോണ്‍ഗ്രസ് നേതാവ് കെ സുധാകരന്‍എംപി. യുഡിഎഫിനെ നയിക്കുന്നത് ലീഗാണെന്ന പിണറായിയുടെ പ്രസ്താവന അപഹാസ്യമാണെന്നും അദ്ദേഹം പറഞ്ഞു. കോണ്‍ഗ്രസിന്റെ മലബാര്‍ മേഖലാ നേതൃ യോഗത്തിന് കോഴിക്കോടെത്തിയപ്പോഴാണ് സുധാകരന്റെ വാക്കുകള്‍.
നിയമസഭ തെരഞ്ഞെടുപ്പിനായി കോണ്‍ഗ്രസ് ഉടന്‍ സ്ഥാനാര്‍ഥികളെ പ്രഖ്യാപിക്കുമെന്നും സുധാകരന്‍ പറഞ്ഞു. കോണ്‍ഗ്രസില്‍ നേതൃമാറ്റം തീരുമാനിക്കേണ്ടത് ഹൈക്കമാന്റാണെന്നും അദ്ദേഹം വ്യക്തമാക്കി. നിയമസഭ തെരഞ്ഞെടുപ്പില്‍ വെല്‍ഫെയര്‍ പാര്‍ട്ടിയുമായി സഖ്യമോ നീക്കുപോക്കോ ഉണ്ടാവില്ല. എന്നാല്‍ ആര് വോട്ട് നല്‍കിയാലും സ്വീകരിക്കുമെന്നും സുധാകരന്‍ പറഞ്ഞതായി മാതൃഭൂമി റിപ്പോര്‍ട്ട് ചെയ്യുന്നു.
സ്വര്‍ണ്ണക്കടത്ത് കേസില്‍ സര്‍ക്കാര്‍ അലംഭാവം തുടരുകയാണെന്നും സുധാകരന്‍ വിമര്‍ശിച്ചു. തെളിവ് ഉള്ളതിനാലാണ് സ്പീക്കര്‍ക്കെതിരെ അന്വേഷണം നടക്കുന്നതെന്നും അദ്ദേഹം പറഞ്ഞു