കോവിഡ് എന്ന മഹാമാരിയോട് ലോകം പ്രതിരോധം തീർക്കുന്ന സുപ്രധാന നാളുകളിലൂടെയാണ് നാം കടന്ന് പോകുന്നത്. ലോകത്തിലെ സർക്കാരുകൾക്കും ആരോഗ്യ പ്രവർത്തകർക്കുമൊപ്പം സുമനസുകളും പങ്കുചേർന്നാണ് കോവിഡിനെതിരെ പ്രതിരോധം തീർക്കുന്നത്.
കോവിഡ് ബാധിതരോട് അളവറ്റ കാരുണ്യം നൽകുന്ന നിരവധി വാർത്തകളും നാം കേൾക്കുന്നു.
അതിൽ വേറിട്ടു നിൽക്കുകയാണ് മഞ്ഞൂർ ക്ഷീര വ്യവസായ സഹകരണ സംഘം
കോവിഡ് കാലത്ത് ഏറ്റവും കൂടുതൽ വിപണി മൂല്യം ഉള്ള ശുദ്ധമായ പാൽ തികച്ചും സൗജന്യമായി നൽകുകയാണ് ശ്രീ രാജു കൊണ്ടൂക്കാല നേതൃത്വം നൽകുന്ന മഞ്ഞൂർ ക്ഷീര വ്യവസായ സഹകരണ സംഘം. മഞ്ഞൂർ സി എഫ് എൽ ടി സി യിലേയ്ക്കും ഡി സി സി യിലേക്കുമാണ് പാൽ സൗജന്യമായി നൽകുക.
വലിയ തോതിൽ ചിലവ് വരുന്ന ഈ സഹായം സൗജന്യമായി നൽകുക വഴി കോവിഡ് ബാധിതർക്ക് ആരോഗ്യം വീണ്ടെടുക്കുവാനും ജീവിതത്തിലേയ്ക്ക് തിരികെ വരുവാനും കഴിയുന്നു. കോവിഡ് സന്നദ്ധ രംഗത്തേയ്ക്ക് കടന്ന് വരുന്നവർക്ക് മികച്ച ഒരു മാതൃകയാണ് മഞ്ഞൂർ ക്ഷീര വ്യവസായ സഹകരണ സംഘം