മന്ത്രിസ്ഥാനത്തിന് പിന്നാലെ എംഎല്‍എ സ്ഥാനവും രാജിവയ്ക്കുമെന്ന വാര്‍ത്തകള്‍ തള്ളി എംവി ഗോവിന്ദന്‍. താന്‍ എംഎല്‍എ സ്ഥാനം രാജിവയ്ക്കില്ലെന്ന് എംവി ഗോവിന്ദന്‍ വ്യക്തമാക്കി.എംഎല്‍എ സ്ഥാനം രാജിവയ്ക്കണമെന്ന തീരുമാനം പാര്‍ട്ടി എടുത്തിട്ടില്ല. നേരത്തെ താന്‍ സിപിഎം കണ്ണൂര്‍ ജില്ലാ സെക്രട്ടറി സ്ഥാനം വഹിച്ചത് എംഎല്‍എ പദവിയില്‍ തുടര്‍ന്നു കൊണ്ടായിരുന്നുവെന്നും ഗോവിന്ദന്‍ രാജി വാര്‍ത്തകള്‍ തള്ളിക്കൊണ്ട് വ്യക്തമാക്കി.അനര്‍ഹമായ രീതിയില്‍ ആര്‍ക്കും പാര്‍ട്ടി ജോലിക്ക് ശുപാര്‍ശ ചെയ്യില്ലെന്ന് പ്രിയ വര്‍ഗ്ഗീസുമായി ബന്ധപ്പെട്ട വിവാദങ്ങളോട് പ്രതികരിച്ച്‌ കൊണ്ട് ഗോവിന്ദന്‍ പറഞ്ഞു. എന്നാല്‍ കമ്യൂണിസ്റ്റുകാരന്‍ ആയത് കൊണ്ട് ജോലി പാടില്ല എന്ന നിലപാട് ശരിയല്ലെന്നും അദ്ദേഹം പറഞ്ഞു.
എംഎല്‍എ സ്ഥാനം രാജിവയ്ക്കുമെന്ന വാര്‍ത്തകള്‍ തള്ളി എംവി ഗോവിന്ദന്‍
