കുഞ്ചാക്കോ ബോബൻ, വിനായകൻ, ജോജു ജോർജ് തുടങ്ങിയവർ പ്രധാന വേഷത്തിലെത്തുന്ന പടയുടെ ടീസർ പുറത്ത്. കമൽ കെ.എം സംവിധാനം ചെയ്യുന്ന ചിത്രം ഇ ഫോർ എന്റർടെയ്ൻമെന്റ്, എ.വി.എ പ്രൊഡക്ഷൻസ് എന്നിവയുടെ ബാനറിൽ മുകേഷ് ആർ.മെഹ്ത, എ.വി.അനൂപ്, സി.വി.സാരഥി എന്നിവർ ചേർന്ന് നിർമിക്കുന്നു.
വലിയൊരു താരനിരതന്നെ ചിത്രത്തിൽ അണിനിരക്കുന്നുണ്ട്. ദിലീഷ് പോത്തൻ, പ്രകാശ് രാജ്, സലിം കുമാർ, ജഗദീഷ്, ടി.ജി.രവി, അർജുൻ രാധാകൃഷ്ണൻ, ഉണ്ണിമായ പ്രസാദ്, സാവിത്രി ശ്രീധരൻ, കനി കുസൃതി തുടങ്ങിയവർ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
സമീർ താഹിറാണ് ക്യാമറ ചലിപ്പിക്കുന്നത്. വിഷ്ണു വിജയ് സംഗീതം കൈകാര്യം ചെയ്യുന്നു. എഡിറ്റിങ്: ഷാൻ മുഹമ്മദ്. പ്രൊഡക്ഷൻ കൺട്രോളർ: എൻ.എം. ബാദുഷ
