ബാംഗ്ളൂർ
കന്നഡ സൂപ്പര്‍ താരം പുനീത് രാജ്‍കുമാര്‍ (46) അന്തരിച്ചു. ഹൃദയാഘാതത്തെ തുടര്‍ന്നായിരുന്നു അന്ത്യം. ബംഗളൂരുവിലെ വിക്രം ആശുപത്രിയിലായിരുന്നു മരണം സംഭവിച്ചത്.
വീട്ടിലെ ജിമ്മില്‍ വ്യായാമം ചെയ്യുമ്പോള്‍ കുഴഞ്ഞുവീണതിനെ തുടര്‍ന്നാണ് പുനീതിനെ ആശുപത്രിയില്‍ പ്രവേശിപ്പിച്ചത്. ഇതിഹാസ താരം രാജ്‍കുമാറിന്‍റെ മകനാണ് പുനീത്. ടെലിവിഷന്‍ അവതാരകനും ഗായകനും കൂടിയായിരുന്നു അദ്ദേഹം. പവര്‍ സ്റ്റാര്‍ എന്ന പേരിലാണ് അറിയപ്പെട്ടിരുന്നത്.
കന്നഡ സിനിമയിലെ ഏറ്റവും ജനപ്രീതിയുള്ള താരവും ഏറ്റവും പ്രതിഫലം വാങ്ങുന്നയാളുമായിരുന്നു. 29 സിനിമകളില്‍ മുഖ്യകഥാപാത്രത്തെ അവതരിപ്പിച്ചു. ചെറുപ്പത്തില്‍ തന്നെ സിനിമയില്‍ എത്തിയ പുനീത് 2002 ലെ അപ്പു (2002) എന്ന ചിത്രത്തിലൂടെ മികച്ച ബാലതാരത്തിനുള്ള ദേശീയ അവാര്‍ഡ് കരസ്ഥമാക്കി. മികച്ച ബാലതാരത്തിനുള്ള സംസ്ഥാന അവാര്‍ഡ് രണ്ട് തവണ നേടി.
അപ്പു (2002), അഭി (2003), വീര കന്നഡിഗ (2004), മൌര്യ (2004), ആകാശ് (2005), ആരസു (2007), മിലാന (2007), വംശി (2008), റാം (2009), ജാക്കീ (2010), ഹുഡുഗരു (2011), രാജകുമാര (2017) തുടങ്ങിയവയാണ് പ്രധാന സിനിമകള്‍.