തിരുവനന്തപുരം: കേരള സർക്കാരിനെ റിപ്പബ്ലിക് ദി ന ത്തിൽ രൂക്ഷമായി വിമർശിച്ച് ശശി തരൂർ എം.പി. ‘കേരളസർക്കാരിന് റിപ്പബ്ലിക്ക് ദിനത്തിൽ ഇവിടെ ഒരു ത്രിവർണ പതാക പോലും ഉയർത്താനായില്ലല്ലോ, കഷ്ടം’ എന്നെഴുതിയാണ് തരൂര്‍ സർക്കാരിനെ വിമർശിച്ചത്. 2013ൽ തരൂർ തന്നെ മുൻകൈ എടുത്ത് തിരുവനന്തപുരം കനകക്കുന്നിൽ സ്ഥാപിച്ച കൊടിമരത്തിൽ ഇത്തവണ ത്രിവർണപതാക ഉയർത്തിയിരുന്നില്ല. ഇതാണ് തരൂർ രോഷത്തോടെ ചൂണ്ടിക്കാട്ടുന്നത്. കനകക്കുന്ന് കൊട്ടാരത്തിലെ കൊടിമരത്തിന്റെ ചിത്രവും അദ്ദേഹം ട്വിറ്ററിൽ പങ്കുവച്ചു.