സംസ്ഥാനത്ത് വിദ്യാർത്ഥികളുടെ യാത്ര സംബന്ധിച്ച ഫെയര്‍‌സ്റ്റേജ് നിരക്കിലെ അവ്യക്തത നീക്കി മോട്ടോർവാഹന വകുപ്പ് പട്ടിക പുറത്തിറക്കി. ഒന്നു മുതൽ 16 വരെയുള്ള ഫെയർ സ്റ്റേജ്, ദൂരം, യാത്രനിരക്ക്, വിദ്യാർത്ഥി നിരക്ക് എന്നിവ വ്യക്തമാക്കി ട്രാൻസ്‌പോർട്ട് കമ്മീഷണറാണ് പട്ടിക പ്രസിദ്ധപ്പെടുത്തിയത്.
2.5 കി.മീ. ദൂരമുള്ള ഒന്നാമത്തെ ഫെയര്‍‌സ്റ്റേജിന് വിദ്യാർത്ഥികൾക്ക് ഒരു രൂപയേയുള്ളൂ. രണ്ടും മൂന്നും സ്റ്റേജുകൾക്ക് രണ്ടു രൂപയാണ്. പിന്നീടുള്ള നാല് സ്റ്റേജുകൾക്ക് മൂന്നു രൂപയും അടുത്ത നാല് സ്റ്റേജുകൾക്ക് നാലു രൂപയുമാണ് നിരക്ക്. പട്ടിക മോട്ടോർ വാഹനവകുപ്പിൻറെ വെബ്‌സൈറ്റിൽ പ്രസിദ്ധീകരിച്ചു.
2022 മേയ് ഒന്നു മുതലാണ് പുതിയ നിരക്ക് പ്രാബല്യത്തിലായത്. ഒരു വിദ്യാർത്ഥിനി മോട്ടോർ വാഹന വകുപ്പിൽ നിന്ന് വിവരാവകാശ നിയമപ്രകാരം കൃത്യമായ നിരക്ക് എടുത്തതോടെയാണ് ഫെയര്‍‌സ്റ്റേജ് തിരിച്ച് വിദ്യാർത്ഥിനിരക്ക് പുറത്തിറക്കിയത്.