യുവേഫ ചാംപ്യന്‍സ് ലീഗില്‍ വമ്പന്മാര്‍ക്ക് ജയം. ആവേശകരമായ മത്സരത്തില്‍ രണ്ടിനെതിരെ മൂന്നു ഗോളുകള്‍ക്ക് മാഞ്ചസ്റ്റര്‍ യുനൈറ്റഡ് അറ്റലാന്റയെ തോല്‍പ്പിച്ചു. സൂപ്പര്‍ താരം ക്രിസ്റ്റ്യാനോ റൊണാള്‍ഡോയാണ് വിജയ ഗോള്‍ നേടിയത്. ആദ്യ പകുതിയില്‍ രണ്ട് ഗോളിന് പിന്നിലായ ശേഷമാണ് രണ്ടാം പകുതിയില്‍ മൂന്ന് ഗോള്‍ തിരിച്ചടിച്ച് യുണൈറ്റഡ് ജയിച്ചത്. അതേസമയം ബാഴ്‌സലോണ ആദ്യ ജയം നേടി. നിര്‍ണായകമായ മത്സരത്തില്‍ ഒറ്റഗോളിന് ഡൈനമോ കീവിനെ ബാഴ്സ തോല്‍പിച്ചു. മറ്റൊരു മത്സരത്തില്‍ ചെല്‍സി എതിരില്ലാത്ത നാലു ഗോളിന് മാല്‍മോയെ തകര്‍ത്തു. ബയേണ്‍ ചാംപ്യന്‍സ് ലീഗിലും ഗോള്‍ വര്‍ഷം തുടരുകയാണ്. ബെന്‍ഫിക്കയെ എതിരില്ലാത്ത നാലുഗോളിനാണ് ബയേണ്‍ മ്യൂണിക്ക് തകര്‍ത്തത്. മറ്റൊരു മത്സരത്തില്‍ യുവന്റസ് എതിരില്ലാത്ത ഒരുഗോളിന് സെനിറ്റിനെയും വിയ്യാറയല്‍ ഒന്നിനെതിരെ നാല് ഗോളിന് യംഗ് ബോയ്‌സിനെയും തോല്‍പ്പിച്ചു. ലില്ലെ- സെവിയ്യ മത്സരം ഗോള്‍രഹിത സമനിലയില്‍ പിരിഞ്ഞു.
യുവേഫ ചാംപ്യന്‍സ് ലീഗില്‍ വമ്പന്മാര്‍ക്ക് ജയം
