UGC NET 2020: തിരുത്തല്‍ വരുത്താന്‍ അവസരം
പരീക്ഷാ കേന്ദ്രം മാറ്റുന്നതടക്കമുള്ള തിരുത്തലുകള്‍ ugcnet.nta.nic.in സന്ദര്‍ശിച്ച് നടത്താന്‍ അവസരമുണ്ട്
യു.ജി.സി നെറ്റ് 2020 ന്റെ അപേക്ഷയില്‍ തിരുത്തല്‍ വരുത്താന്‍ അവസരം. എന്‍.ടി.എ യുടെ ഔദ്യോഗിക വെബ്‌സൈറ്റായ ugcnet.nta.nic.in ല്‍ ഇതിനുള്ള അവസരമുണ്ട്. തിരുത്താനുള്ള സമയം കഴിയുന്നതതോടെ അഡ്മിറ്റ് കാര്‍ഡുകള്‍ ലഭ്യമാക്കാനുള്ള നടപടികള്‍ ആരംഭിക്കും.
സെപ്റ്റംബര്‍ 16 മുതല്‍ 18 വരെയും സെപ്റ്റംബര്‍ 21 മുതല്‍ 25 വരെയുമാണ് നെറ്റ് പരീക്ഷ നടക്കുന്നത്. യു.ജി.സി നിര്‍ദേശിക്കുന്ന 81 വിഷയങ്ങളിലാണ് നെറ്റ് പരീക്ഷ നടത്തുന്നത്. അസിസ്റ്റന്റ് പ്രൊഫസര്‍, ജൂനിയര്‍ റിസര്‍ച്ച് ഫെലോഷിപ്പ് (ജെ.ആര്‍.എഫ്) എന്നിവയിലേക്കുള്ള യോഗ്യതയാണ് നെറ്റ് പരീക്ഷ.
തിരുത്തല്‍ വരുത്താന്‍
എന്‍.ടി.എ യു.ജി.സി നെറ്റിന്റെ ഔദ്യോഗിക വെബ്‌സൈറ്റായ ugcnet.nta.nic.in സന്ദര്‍ശിക്കുക. പേജിന്റെ താഴെ നല്‍കിയിരിക്കുന്ന application correction window ക്ലിക്ക് ചെയ്യാം. പുതിയ പേജ് പ്രത്യക്ഷപ്പെടും. അവിടെ ആപ്ലിക്കേഷന്‍ നമ്പര്‍, ഡേറ്റ് ഓഫ് ബര്‍ത്ത് തുടങ്ങിയ വിവരങ്ങള്‍ എന്റര്‍ ചെയ്യുക. പ്രധാനപ്പെട്ട വിവരങ്ങള്‍ അവിടെ നല്‍കാം. ഒപ്പം പരീക്ഷാ കേന്ദ്രത്തില്‍ മാറ്റം ആഗ്രഹിക്കുന്നവര്‍ക്ക് അതും ചെയ്യാം. ഫോം സബ്മിറ്റ് ചെയ്തതിന് ശേഷം ഭാവി ഉപയോഗത്തിനായി കോപ്പി സൂക്ഷിക്കുക.
ഇതിനകം എന്‍.ടി.എയ്ക്ക് ഇ-മെയില്‍ അയച്ചവരും വെബ്‌സൈറ്റ് സന്ദര്‍ശിച്ച് തിരുത്തല്‍ വരുത്തണം. തിരുത്തലിനായി ഇ-മെയില്‍ അയച്ചാല്‍ അപേക്ഷ സ്വീകരിക്കില്ലെന്നും എന്‍.ടി.എ അറിയിച്ചിട്ടുണ്ട്.