ഉക്രെയ്നിലെ എല്ലാ ഇന്ത്യൻ പൗരന്മാരോടും താൽക്കാലികമായി രാജ്യം വിടാൻ ഉക്രെയ്നിലെ ഇന്ത്യൻ എംബസി ഉപദേശിച്ചു. ഉക്രെയ്നിലെ പ്രതിസന്ധി തുടരുന്നതിനിടെയാണ് നടപടി.
ചാർട്ടേഡ് ഫ്ലൈറ്റുകളെക്കുറിച്ചുള്ള വിവരങ്ങൾക്കായി ബന്ധപ്പെട്ട വിദ്യാഭ്യാസ കരാറുകാരുമായി ബന്ധപ്പെടാൻ ഇന്ത്യൻ വിദ്യാർത്ഥികളോട് എംബസി നിർദ്ദേശിച്ചു.
കിഴക്കൻ ഉക്രെയ്നിലെ വിഘടനവാദികളുടെ നിയന്ത്രണത്തിലുള്ള ഡൊണെറ്റ്‌സ്‌കിന്റെ മധ്യ മേഖലകളിഷ ശനിയാഴ്ച വൈകുന്നേരവും ഞായറാഴ്ച പുലർച്ചെയും ഒന്നിലധികം സ്‌ഫോടനങ്ങൾ കേട്ടതായി റോയിട്ടേഴ്‌സ് റിപ്പോർട്ടർ പറഞ്ഞു. സ്‌ഫോടനങ്ങളുടെ ഉറവിടം വ്യക്തമായിട്ടില്ല.
അതിനിടെ, നിലവിലെ സംഭവവികാസങ്ങൾ “1945 ന് ശേഷം യൂറോപ്പ് കാണുന്ന ഏറ്റവും വലിയ യുദ്ധമായി മാറാം” എന്ന് യുകെ പ്രധാനമന്ത്രി ബോറിസ് ജോൺസൺ ബിബിസിയോട് പറഞ്ഞു. ഉക്രെയ്നിന്റെ അതിർത്തിയിൽ പടിഞ്ഞാറ് കാണുന്ന പദ്ധതികൾ സൂചിപ്പിക്കുന്നത് ഒരു റഷ്യൻ അധിനിവേശം ഇത്തരത്തിൽ വലിയ യുദ്ധമായി മാറാം എന്നാണെന്നും അദ്ദേഹം വ്യക്തമാക്കി.
കിഴക്കൻ ഉക്രെയ്നിൽ 2,000 വെടിനിർത്തൽ ലംഘനങ്ങൾ രേഖപ്പെടുത്തിയതായി നയതന്ത്ര വൃത്തങ്ങൾ റോയിട്ടേഴ്‌സിനോട് പറഞ്ഞു. ഉക്രേനിയൻ സർക്കാരും വിഘടനവാദ ശക്തികളും 2014 മുതൽ കിഴക്കൻ ഉക്രെയ്നിൽ യുദ്ധം ചെയ്യുന്നു. ഷെല്ലാക്രമണം വർധിച്ചതോടെ ഈ മേഖല റഷ്യൻ സൈനിക ശേഖരണത്തെച്ചൊല്ലി റഷ്യയും പടിഞ്ഞാറൻ രാജ്യങ്ങളും തമ്മിലുള്ള സംഘർഷത്തിന്റെ കേന്ദ്രമായി മാറുകയും ചെയ്തു.