കല്‍പ്പറ്റ: വീട്ടിലെ ശുചിമുറിയില്‍ യുവതി കുളിക്കുന്നതിനിടെ മൊബൈല്‍ ഫോണില്‍ ദൃശ്യം പകര്‍ത്താന്‍ ശ്രമിച്ച യുവാവ് പിടിയില്‍. കണിയാരം മെറ്റിയാരകുന്നേല്‍ ശരണ്‍ പ്രകാശ് (25) ആണ് അറസ്റ്റിലായത്. ബുധനാഴ്ച വൈകുന്നേരം ഏഴോടെയായിരുന്നു സംഭവം. മാനന്തവാടിയിലെ വ്യാപാര സ്ഥാപനത്തില്‍ ജോലിചെയ്യുന്ന യുവതി വീട്ടിലെത്തി കുളിക്കുന്നതിനിടെ കുളിമുറിയില്‍ മൊബൈല്‍ ഫോണ്‍ കണ്ടെത്തുകയായിരുന്നു. യുവതി ബഹളം വെച്ചതോടെ ശരണ്‍പ്രകാശ് ഓടി രക്ഷട്ടൈു.
തുടര്‍ന്ന് യപുവതി പരാതി നല്കുകകയും മാനന്തവാടി പോലീസ് നടത്തിയ അന്വേഷണത്തിലാണ് രാത്രിയോടെ പ്രതി പിടിയിലായത്. ശാസ്ത്രീയ പരിശോധനക്കായി മൊബൈല്‍ ഫോണ്‍ കസ്റ്റഡിയിലെടുത്തിട്ടുണ്ട്. ഐടി നിയമപ്രകാരമാണ് ശരണ്‍ പ്രകാശിന്റെ പേരില്‍ കേസെടുത്തിട്ടുള്ളത്. മാനന്തവാടി ഗ്രേഡ് എസ് ഐ രവീന്ദ്രന്‍, എ എസ് ഐ സൈനുദ്ദീന്‍ എന്നിവരടങ്ങിയ സംഘമാണ് യുവാവിനെ പിടികൂടിയത്.
കുളിമുറിയില്‍ യുവതിയുടെ വീഡിയോ പകര്‍ത്താന്‍ ശ്രമിച്ച യുവാവ് പിടിയില്‍
RELATED ARTICLES